Napise na wuměłskich twórbach

Dwaj wuměłcaj ze Slepjanskeje wosady dóstaštaj nadawki za wuměłske twórby, z kotrychž maja někotre serbske napisy abo před kotrymiž připrawi so tekstowa tafla ze serbskorěčnymi informacijemi. Tak hodźa so w Slepjanskich wsach skulptury a reliefy namakać. Skulptury bajowych postawow lutkow a dudaka Hanza Šustera w Trjebinje kaž tež skulptura w zahrodce Slepjanskeho kulturneho centruma su wuhotowane z taflemi w němskej a Slepjanskej serbskej rěči. Brězowska figura wódneho muža nosy hornjoserbske mjeno wsy jako napis a na bajowu figuru Sylneho Lysiny skedźbnja w Mułkecach oficialna turistiska tafla. Relief na towarstwowym a zetkawanskim domje w Slepom dósta němsko-hornjoserbske nadpismo.