Terenowe slěźenje

Tež w nowšim času je so nowa leksika nazběrała. Słowa předležacych lisćinow pochadźeja hłownje ze slědźenjow Hartmuta Hantša (Slepo) a jeho naprašowanjow pola Dietera Redda (Trjebink) w dobje 2002 hač do 2018. Do zběrki zapřijeli su so dalše dokłady wot sćěhowacych informant:kow hač do lěta 2021: Wot Hanza Mroska a Marty Mroskoweje (Trjebin), Manfreda Nikela, Leny Šprejcoweje, Kita Pjeńka (Rowno), Marje Kowaloweje a Majki Herkulineje (Brězowka), Marje Hentšeloweje, Manfreda Rychtarja (Trjebink), Marty Łyskoweje a Jensa Martina (Podstupim/​Bórkowy). Słowoskład, kiž je Pawoł Wirth 90 lět zašo za swoju disertaciju (1933) nazběrał, so tule tohorunja pokazuje. W bibliografiji namakaće přisłušny zapisk.