Kooperaciski projekt

2023 přeprosychu sobu­dźěła­ćerki a sobu­dźěła­ćerjo Serb­skeho insti­tuta akterow ciwil­neje towarš­nosće z měšćan­skeje knihownje a z muzeja we Varns­dorfje do zhromad­neho skutka. Team bórze wo dwě wučerce Budy­skeho Serb­skeho gymnazija a Gymnazija Varns­dorfa roz­rosće. W šulskim lěće 2023/2024 je kóžda z njeju skupinu 12 šulerkow a šulerjow ze swojeje šule do mjezy pře­kroča­ceho wjace­rěčneho projekta při­wjedła. 2023 bu wučbna šćežka konci­po­wana a 2024 ze spěcho­wanjom Załožby za serbski lud a Němsko-čěskeho fondsa při­choda zreali­zo­wana. Dźěło na wučbnej šćežce wot­měwaše so zdźěla paralelnje, zdźěla we wobłuku dźěłar­ničkow. Za projekt inter­viewo­wachu šulerki a šulerjo časowych swědkow, wobdźělichu so na wuběrje temow za jednot­liwe stacije, namjeto­wachu wobsah za informa­ciske tafle, naćis­nychu logo za wučbnu šćežku a zwučowachu před­njesenje wućahow z wozjewjenych dopomnjenkow, kotrež w Budyskim zwukowym studiju Lucija nahrawachu.