Jěza

„Rohliki“, słódke pječwo, wonjace poliwki – dobra čěska kuchnja je mnohim něhdyšim serbskim šulerjam čas žiwjenja w pomjatku wostała, hdyž na Warnoćicy spominaja. Powójnski čas bě čas wšelakeje bědy a tradanja. Z kóždym dnjom wjace ludźi do Łužicy přićahny: wojacy z wójny a jatby, ćěkancy a ludźo, kotřiž buchu do Němskeje wusydleni. Najebać racioněrowanja běše zastaranje w Čěskosłowakskej wo wjele lěpše. Porno hišće njepřesydlenym čěskim Němcam, kotřiž dóstawachu jenož minimalne zastaranje z jědźu, smědźachu Serbja samsne lěpšiny wužiwać kaž Češa. Přiwšěm njebě zastaranje ze žiwidłami we Warnoćicach optimalne. „Rohliki“, tykančki a knedliki serbske holcy a hólcy kóždy dźeń na talerju njemějachu. K wobjedu sydachu zwjetša běrny.

Previous Next