Background

Zaměr jako přewodne slědźenje zapołoženeho dźělneho předewzaća projekta „Walorizacija imaterielneho kulturneho herbstwa w němsko-słowjanskim konteksće“ z programa strukturneje změny Braniborskeje je systematiske a aktualizowane dokumentowanje wot lěta 2014 na němskej lisćinje imaterielneho kulturneho herbstwa zapisanych towaršnostnych nałožkow a swjedźenjow Serbow w běhu lěta. Z tym twori projekt trěbne a bytostne wuměnjenje za wuwiwanje a zwoprawdźenje walorizaciskich strategijow za zwužitkowanje a kulturnoturistiske poskitki.

Poslednje wobšěrniše wědomostne slědźenja wo nałožkach a swjedźenjach Serbow přewjedźechu so w 1980tych lětach. Woni tworjachu zakład požadanja Domowiny, třěšneho zwjazka serbskich towarstwow, wo zapisanje nałožkow do zwjazkoweho zapisa imaterielneho kulturneho herbstwa. Zo bychu lokalni akterojo muzealnych zarjadnišćow a kulturneho turizma tute serbske imaterielne kulturne herbstwo wužiwać móhli, je aktualizowane a systematiske zwěsćenje a centralne registrowanje trěbne, kotrež nawjazuje na předdźěła.

Na kotre zrozumjenje kulturneho herbstwa so projektowy team při tym poćahuje, rozjasni delnjoserbske widejo „Co jo serbske kulturne derbstwo?“: