Linguistic landscape Schleife
Field names in and around Schleife according to the collection of Ernst Tschernik
W lětach 1954 do 1956 pućowaše rodźeny Slepjan Arnošt Černik we wobłuku ludowědneho slědźerskeho projekta Humboldtoweje uniwersity w Berlinje po cyłym tehdyšim serbskim rěčnym teritoriju. Ćežišćo jeho zběraćelskeho dźěła tworjachu statistiske prašenja k serbskej rěči a kulturje. Zdobom zezběra w dialogu ze wěcywustojnymi wobydlerjemi wjace hač 15 000 ležownostnych mjenow. Tuta zběrka chowa so w Serbskim kulturnym archiwje.
Pokazujemy tu mjena ze Slepjanskeho regiona, kaž je Černik je zapisał, při tym wšak móže so pola wšelakich pisanskich wariantow tež wo proste pisanske zmylki jednać. Serbske mjenowe formy wotpowěduja jenož w snadnej měrje městnemu dialektej, ale skerje spisownej hornjoserbšćinje. Tohodla smy mjenam přidali wotpowědniki w Slepjanskej serbšćinje, kotrež njepochadźeja wot Černika samoho.
K zběrce ležownostnych mjenow słušeja blidkowe karty, kotrež předleža jako papjerjany original kaž tež w digitalizowanej formje.