Diligence and reser­vations dis­claimer

Temowy wobłuk wobrazy serbskich napisow

Tutón portal podawa rozprawu wo situaciji wizuelneje rěčneje krajiny Slepo w projektowej dobje wot meje 2019 hač do decembra 2021. Wot lěta 2022 su so dalše napisy přidružić móhli, druhe so snano zhubja. W jednotliwych padach su so napisy hižo w projektowej dobje wotstronili; tute su wotpowědnje woznamjenjene (přir. „Zhubjene a wotstronjene“). Dokumentacija widźomnych serbskich elementow w Slepjanskej wosadźe wotmě so přez inwentarizaciju serbskich napisow a serbskeje symboliki a spěchowanje widźomnosće serbskosće w Slepjanskich wsach. Fotografisce su so tohodla tajke napisy dokumentowali, kotrež wobsahuja serbsku rěč. Dalše rěče, kotrež jewja so w jednotliwych padach pódla němčiny (abo město němčiny abo serbšćiny) w Slepjanskej rěčnej krajinje, su so na dobro dospołnosće sobu přiwzali. Dźensniši charakter regiona je němski. Němčina je přewažowaca wobchadna, zarjadniska a šulska rěč, w kotrejž su wšě druhe napisy wuwjedźene.

Temowy wobłuk Slepjanska bibliografija

Lisćina pisomnych žórłow wo Slepjanskej rěči, kulturje a stawiznach je so zezběrała z wosebitym wusměrjenjom na rěčne a rěčespytne aspekty. Za jeje dospołnosć njerukujemy.

Temowy wobłuk słowoskład

Z wozjewjenjom słownych lisćin a słowničkow Slepjanskeje serbšćiny wotbłyšćujemy w žórłach dokumentowany wobraz. Wašnje pisanja a słowne warianty bazuja wuraznje na awtorstwje citowanych wosobow. Leksikografiske přepytowanje a wobdźěłanje njeje so wotměło, projektowa skupina njerukuje ani za wobsahi ani za dospołnosć zběrki.

Zarjadowana pytanska funkcionalnosć nima so eksplicitnje jako słownikowa abo přełožowanska funkcija rozumić, ale bazuje na přepytanju połneho teksta wšěch słownych zběrkow a poskići lisćinu formow, kotrež so z pytanym wurazom kryja.