Labels in the tourism domain

Ze zaměrom turistiskeho woznamjenjenja, informacije, zabawy abo wabjenja su so w Slepjanskich wsach a jich wokolinje najwšelakoriše tafle a pismonošaki připrawili. Jednotnje wuhotowane su wot gmejnskeho zarjada iniciěrowane brune, zelene a běłe orientaciske tafle. Dalše hamtske tafle na krajnej hranicy k Braniborskej, w bliskosći rěčki Strugi abo při UNESCO-Geoparku su kaž wšudźe w Němskej normowane.

Přidruža pak so dalše němsko-serbske napisy na drjewjanych a metalowych taflach w najwšelakorišich formach, wulkosćach, kotrež su na wšelakore wašnje přičinjene. Tež jich teksty pokazuja mnóstwo wašnjow wuhotowanja a poskićeja dwurěčne informacije.