Gothic print

Fraktura je jako historizowace pismo wuhotowanski element nowych dróhowych taflow w Slepom a w přesydlenym Miłorazu. Tež w Rownom je jedna z dróhowych taflow w samsnym frakturnym pismje kaž w Slepom. Narowne kamjenje na serbskim wopomnišću „Stareho Rownjanskeho kěrchowa“ pak pokazuja tež frakturu z poslednjeje třećiny 19. a wot spočatka 20. lětstotka. Tež w padźe tafle z hronom na starej ćěłowni Trjebinskeho kěrchowa rozsudźi so wuhotowar za historizowacu frakturu (hlej tež Napisy na kěrchowach).