Unauthorized labels

Při pytanju serbskich napisow su so tež njeawtorizowane zapiski namakali, pak serbskorěčne pak serbskosć w Slepom tematizowace. Při tym zwuraznja so wěsta rebelija (w Slepjanskim regionje husto bazowaca na protesće přećiwo wudobywanju brunicy a wotbagrowanju wjesnych dźělow: tafla na garaži, Limes sorabikus ) abo tež impuls iniciatorow, serbski tekst dodać, hdźež wón faluje (dróhowa tafla Feldweg ). Napisy Limes sorabikus, Ho jo kónc teje wuglowy jamy!, Sorbisches Territorium, ale tež nalěpjene serbske mjeno na tafli Feldweg zwuraznjeja wěsty teritorialny narok ze serbskim pozadkom. Wšo to su wuprajenja k towaršnostnym podawkam w regionje a lochka forma ciwilneje njeposłušnosće.