Schroeder 1938

Jedyn z najwažnišich přinoškow k wuslědźenju slepjanšćiny we wobłuku fonetiki a fonologije pochadźa wot Arnulfa Schroedera. Ze swojim wopisowanjom zwukow Slepjanskeho dialekta bě wón 1938 w Berlinje promowował. W ramiku přihotow za posthumne wudaće Schroederoweje disertacije w lěće 1958 je so zhotowiła słowna lisćina, kotraž tule předleži. K tomu pisa R. Olesch w předsłowje: „Jako jenički přidawk bu za lochše wužiwanje podaty zapisk słowow, kotrež w pojednanju wustupuja. Tutón glosar je jedyn z mojich něhdyšich Lipšćanskich šulerjow, knjez P. Völkel, w lěće 1952 zestajił, a při tym je wón jednotliwe pozicije w Slepom na jich woznam w narěči přepruwował.“

W bibliografiji namakaće přisłušny zapisk.