Hync Rychtaŕ’s lexical collection

Slawist Hync Rychtaŕ nahromadźi na zakładźe pólnych slědźenjow wot lěta 1978 sem wulku zběrku leksiki. Tutón słowny archiw, zapisany na kartkach a njepublikowany, wuznamjenja so přez mjezsobne wotkazy a přirunanje z druhimi žórłami, přez přikładowe sady a gramatiske podaća. Wobstatk w třoch kartajnych kašćikach wopřijimuje po trochowanju 4 500 zwjetša na woběmaj bokomaj popisanych kartkow.

Swojim archiwnym kašćikam je Rychtaŕ ze žortom Slepjanske mjena dał: Juro, Hanzo a Mato.