Warnoćicy. Sorbian traces

Warnoćicy su serbske mjeno města Varnsdorfa w Čěskej. Za někotruž­kuli Serbowku a Serba je to historiski podawk a dopomnjenka zdobom. Saha wróćo do prěnich lět po II. swětowej wójnje, jako bu město centrum serbskeho žiwjenja w Čěskej a najwažniše městno kubłanja serbskeje młodźiny. Kulturno­historiska wučbna šćežka „Warnoćicy“ na dźesać stacijach stawiznički ze wšědneho dnja Serbowkow a Serbow tehdom we Varnsdorfje-Warnoćicach powěda. Dźensniši šulerjo z Budyšina a Varnsdorfa su časowym swědkam swój hłós „požčili“. Nimo tutych awdijo-citatow skića zběrka tójšto wobrazow, fotow, wurězkow z nowin, plakatow atd.