Initial situation

Čěske město Varnsdorf na čěsko-sakskej mjezy ma w serbskich stawiznach wosebite městno. W prěnich powójn­skich lětach bu z centrumom zasyd­lo­wanja Serbow w Čěsko­słowakskej. Wjacore sta Ser­bow­kow a Serbow, mjez nimi tójšto dźěći a mło­dost­nych, tu mjez 1945 a 1949 bydlachu, dźěłachu a do šule chodźachu. W zhro­mad­nym dźěle mjez Domowinu a wšelakimi čěskimi towar­stwami a politi­karjemi bě so poradźiło, serbski šulski system natwarić. We Warno­ćicach dósta­wachu serbscy młodostni prěni raz wyše šulske kubłanje w swojej maćer­šćinje, wjetšina z nich na tamnišim serbskim gymnaziju. Tuta krótka doba hódnoći so dźensa jako zakład rozkćěwa serbskeje kultury w druhej połojcy 20. lět­stotka. K tutomu zhlado­wanju su tež dopomnjenki absolwentkow a absolwentow serbskich rjadownjow we Warno­ćicach při­nošowali, kotrež buchu po 1990 tu a tam publikowane.