Warnoćicy. Sorbian traces

Religion

Nabožina słušeše tež do wšědneho žiwjenja Serbow we Warnoćicach. Wjetšina z nich pochadźeše z katolskich wsow Hornjeje Łužicy a bě cyrkwinsce aktiwna. Katolska cyrkej swjateju Pětra a Pawoła jim we Warnoćicach jako cyrkej słužeše. Tradicija wšelakich wěrywuznaćow we Warnoćicach zmóžni tež ewangelskim Serbam wobdźělenje na cyrkwinskim žiwjenju, byrnjež jich tam mjenje było hač katolskich. Po tym, zo su komunisća 1948 móc w kraju přewzali, pak so to njejapcy změni: Nowi knježićeljo cyrkwinske žiwjenje jara wobmjezowachu. Předewšěm serbske holcy, kotrež w Marijanskim wustawje pola rjadniskich sotrow bydlachu, tutu raznu změnu začuchu: Sotry dyrbjachu internat wopušćić, a chowanče zhubichu swoje kubłarki a dowěrnicy.

„Wona je nas derje kubłała“

Budarjowa, Marka: Powójnske lěta w Čechach. In: Serbska protyka 2006, str. 72–74.

Wurězk, čita šulerka Serbskeho gymnazija w Budyšinje, 2024.

<span fromLang="hsb">Warnsdorf. Romsko-katolska cyrkej a fara; 1905.</span> (source: Deutsche Fotothek/Brück und Sohn)

<span fromLang="hsb">Serbske holcy z rjadniskej sotru-boromejku, ca. 1947.</span> (source: Serbski kulturny archiw, Budyšin/Sorbisches Kulturarchiv, Bautzen)

<span fromLang="hsb">„Knjez je twój pastyr, na ničim nuzu njezměješ.“ Zapisk w poezijowym albumje; 1948.</span> (source: Serbski kulturny archiw, Budyšin/Sorbisches Kulturarchiv, Bautzen)

Proceed to next stop “Meals”