Žiwe kulturne herbstwo
Ertne tradicije inkluziwnje rěč jako nošer imaterielneho kulturneho herbstwa
Wobłuk ertnych tradicijow a wurazow wobsahuje wjele rěčanych formow. K tomu słušeja přisłowa, hódančka, bajki, dźěćace rymy, legendy, myty, episke spěwy a basnje, kuzłarske hrónčka, modlitwy, spěwy, dramy a wjele druheho.
Ertne tradicije a wurazy podpěruja daledawanje wědy, kulturnych a socialnych hódnotow a kolektiwny pomjatk. Woni rozsudnje přinošuja k wobchowanju žiweje kultury.
Rěč je zakład imaterielneho herbstwa mnohich zhromadźenstwow. Tola njesteji jeje škit a zdźerženje w UNESCO-zrěčenju z lěta 2003, hačrunjež so w artiklu 2 rěč jako srědk daledawanja imaterielneho kulturneho herbstwa mjenuje. Kóžda rěč wobwliwuje wašnje, kak so powědki, basnje a spěwy powědaja, ale tež jich wobsah.
Wotemrěće rěče wjedźe k pozhubjenju ertnych tradicijow a wurazow. Ale runje tute ertne wurazy a formy a jich wužiwanje w zjawnosći přinošuja bóle k wobchowanju rěče hač słowniki, gramatiki a datowe banki.
Ertne tradicije a wurazy so najhusćišo we wšědnym wužiwanju w towaršnosći zdźerža. Tohorunja je wažne, zo wobchowaja so móžnosće posrědkowanja wědy wot čłowjeka k čłowjekej.