Žiwe kulturne herbstwo
Wěda a praktiki w zwisku z přirodu a uniwersumom
Wěda a praktiki w zwisku z přirodu a uniwersumom wopřijeja wědu, kmanosće a zwobraznjenja, kotrež zhromadźenstwa přez interakciju z přirodnym wobswětom wuwiwachu. Tute wašnja myslenja wo uniwersumje zwuraznjeja so w rěči, ertnym traděrowanju, začuću zwjazanosće, dopomnjenkach, spiritualiće a swětonahledźe.
Wone wobwliwuja tohorunja sylnje hódnoty a přeswědčenja a su zakład mnohich socialnych praktikow a kulturnych tradicijow. Přirodny a towaršnostny wobswět zhromadźenstwa wowliwuje na tamnym boku tradicije a dawa jim charakteristiski raz.
Tutón wobłuk wopřija mnohe pola kaž tradicionalnu ekologisku wědu, indigenu wědu, wědu wo lokalnej fawnje a florje, tradicionalne hojenske systemy, rituale, předstawy wěry, iniciaciske ritusy, kosmologije, šamanizm, wobsydstwo, socialne organizacije, swjedźenje, rěče a tworjace wuměłstwo.
Tradicionalna wěda a tradicionalne praktiki tworitej žro kultury a identity zhromadźenstwa, wonej stej pak přez globalizaciju chutnje wohroženej. Tež hdyž zbudźa někotre aspekty tradicionalneje wědy, kaž na př. medicinske wužiwanje lokalnych rostlinskich družin, zajim wědomostnikow a předewzaćelow, pozhubja so tola mnohe tradicionelne praktiki.