Časopis „Niederlausitzer Mittheilungen“ towarstwa Niederlausitzer Gesellschaft für Anthropologie und Alterthumskunde wobsahuje w třoch swojich lětnikach, 1892, 1894 a 1918, wjetše mnóstwo serbskich słowow, kotrež bě ludowědnik Wilibald von Schulenburg w swojej korespondency ze Slepjanskim burom a šołtu Hanzom Hantšom-Hanom dóstał. Tute serbske słowa z cyle wšelakich temowych wobłukow namakaja so w němskich tekstach a su so z nich wotpisali. Přełožki a wujasnjenja podawa Schulenburg hač na małe wuwzaća přeco na wotpowědnym městnje.
W bibliografiji namakaće přisłušne zapiski za 1892, 1894 (prěni dźěl) a 1894 (druhi dźěl) kaž tež 1918.