Slepjanski farar Julius Eduard Wjelan wozjewi 1869 w Časopisu Maćicy Serbskeje wědomostne pojednanje wo přechodnym a Mužakowskim dialekće. Na kónc swojeho nastawka staji wón słownu lisćinu Slepjanskeje serbšćiny z podaćemi hornjoserbskich a łaćonskich wotpowědnikow. Zo by so zběrka tež w němskej rěči přepytać hodźała, su so wot projektneho teama němske přełožki dodali. Tute pak so z wotpohladom njepokazuja, zo by so Wjelanowa słowna zběrka originalnje prezentowała.
W bibliografiji namakaće přisłušny zapisk.