W Slepjanskej gmejnje steja štyri pomjatne kamjenje: jedyn w Rownom a tři w Slepom. Z nich dopominaja tři na wuznamne wosobiny: kamjeń w Rownom na ludoweho spisowaćela Hanza Njepilu, jedynkamjeń w Slepom na serbskeho fararja Mateja Handrika a dalši na Měrćina Luthera – k jeho wopomnjeću je so k jubilejej reformacije 2017 lipa sadźiła. Štwórty a najstarši kamjeń je wěnowany dopomnjeću bitwy pola Sedana (1870), wón je so najskerje mjez 1871 a 1877 před Slepjanskej cyrkwju postajił.