Warnoćicy. Sorbian traces

Arrival

Dwórnišća su kaž wrota do města. W lěće 1945, po skónčenju knjejstwa nacionalsocialistow, běštej Warnočanskej dwórnišći předewšěm městno migracije. Wuhnaće a wusydlenje Němcow z Čěskosłowakskeje potrjechi podłu hranicy nimale kóždeho němskorěčneho wobydlerja, z tym tež Warnočanskich. Město nich tu čěskosłowakske zarjady ludźi zasydlichu, kotrychž jako loyalnych, wustojnych a trěbnych posudźowachu. Tute nowe wobydlerstwo bě najwšelakorišeho pochada. Něhdźe štyri lěta běchu tež mnozy Serbja z Hornjeje Łužicy dźěl wobydlerstwa. Wšako přićahny po lěće 1945 wjace hač tysac Serbow do Čěskosłowakskeje, wjetšina z nich do Warnoćic. Přichadźacy Serbja buchu podpěrowani při pytanju za dźěłom abo wukubłanjom kaž tež při natwarje serbskeho šulstwa. Někotři Serbja a Češa so tehdy samo wo přizamknjenje Łužicy k čěskosłowakskemu statej prócowachu.

„Do Warnoćic?“

Wornar, Jan: Ze skałarskeje wjeski won do wulkeho swěta. Z brěmješka dopomnjenkow na čas we Warnoćicach wot Jana Wornarja (1. pokročowanje). In: Serbske Nowiny, 05.08.1997, str. 4.

Wurězk, čita šulerka Serbskeho gymnazija w Budyšinje, 2024.

<span fromLang="hsb">Z němskeho Warnsdorfa bu 1945 čěski Varnsdorf. Stare pohladnicy so krótko po wójnje hišće wužiwachu – němske mjeno bu přešmórnjene a naruna so z čěskim, kaž na tutej pohladnicy.</span> (source: Muzeum Varnsdorf)

<span fromLang="hsb">Wojacy Čerwjeneje armeje we Warnoćicach, meja 1945</span> (source: Muzeum Varnsdorf)

<span fromLang="hsb">Namołwa na załoženje Towarstwa přećelow Łužicy we Warnoćicach, 1945</span> (source: Muzeum Varnsdorf)

<span fromLang="hsb">Warnočanscy Serbja na Wšosokołskim zlěće w Praze, 1948</span> (source: private)

<span fromLang="hsb">Wučbna šćežka nawjazuje na dopomnjenki něhdyšich šulerjow na powójnske Warnoćicy, mjez nimi pozdźiši spisowaćel a dramatikar Jurij Koch (*1936).</span> (source: Ludowe nakładnistwo Domowina, Budyšin/Domowina-Verlag, Bautzen)

<span fromLang="hsb">Dowolnosć za trěbne jězby z ćahom, wupisana za serbskeho šulerja, 1946</span> (source: Serbski kulturny archiw, Budyšin/Sorbisches Kulturarchiv, Bautzen)

<span fromLang="hsb">Wulět serbskich šulerjow z Warnoćic na Tolštejn, 1947</span> (source: private)

<span fromLang="hsb">Časopis serbskeje młodźiny we Warnoćicach, 1947</span> (source: Serbska centralna biblioteka, Budyšin/Sorbische Zentralbibliothek, Bautzen)

<span fromLang="hsb">Towaršnosć přećelow Łužicy we Warnoćicach propagowaše serbsku kulturu, předewšěm hudźbu a tworjenje komponista Bjarnata Krawca. Na jeho česć wotmě so 4. februara 1948 swjatočnosć w awli gymnazija.</span> (source: Serbski kulturny archiw, Budyšin/Sorbisches Kulturarchiv, Bautzen)

<span fromLang="hsb">Čěskosłowakske wójsko na naměsće; něhdyši Pohlec hosćenc přemjenowany na Hotel Stalingrad, ca. 1950</span> (source: Muzeum Varnsdorf)

<span fromLang="hsb">Pohlad na Warnoćicy, 1907</span> (source: Deutsche Fotothek/Brück und Sohn)

Proceed to next stop “Friendship”