Warnoćicy. Sorbian traces

Friendship

Zasydlenje w čěskich Warnoćicach zmóžni so Serbam dźakowano jich přećelstwu z Čechami. Čěske towarstwa, předewšěm Towarstwo přećelow Łužicy, na wšelakore wašnje socialnej a duchownej nuzy Serbow wotpomhachu. Podpěra sahaše wot sposrědkowanja dźěła, bydlenja a wukubłanja hač k financowanju serbskeho šulstwa. Tak nańdźe tež wuznamny komponist a nawoda chórow Bjarnat Krawc w nowembrje 1945 we Warnoćicach nowy přebytk; přez bombardowanje Drježdźan dźě bě jeho swójba wšón mětk a statk přisadźiła. Dom na dróze Jiřího z Poděbrad sta so z jeho poslednim bydlenjom a tu 1948 tež zemrě. Dźowka Bjarnata Krawca, serbska grafikarka Hanka Krawcec, we Warnoćicach wosta a w lěće 1949 dósta staćanstwo Čěskosłowakskeje republiki. Mnozy Serbja sej tehdy we Warnoćicach swojeho mandźelskeho abo swoju mandźelsku namakachu, dalši přećelow na čas žiwjenja.

„Album, tak mjenowany poezijowy“

Handrikowa, Hilža: Dopomjenki. In: Serbska protyka 2012, str. 127–129.

Wurězk, čita šulerka Serbskeho gymnazija w Budyšinje, 2024.

<span fromLang="hsb">W domje na dróze Jiřího z Poděbrad je Brjarnat Krawc (1861–1948), serbski komponist, naposledk bydlił.</span> (source: Serbski kulturny archiw, Budyšin/Sorbisches Kulturarchiv, Bautzen)

<span fromLang="hsb">Tři přećeljo. Wotlěwa: Karel Macků (1907–1992), direktor Měšćanskeje šule we Warnoćicach; Bjarnat Krawc (1861–1948); Mikławš Krječmar (1891–1967), direktor serbskeho gymnazija; Warnoćicy ca. 1947.</span> (source: Serbski kulturny archiw, Budyšin/Sorbisches Kulturarchiv, Bautzen)

<span fromLang="hsb">Lubosćinske poćahi mjez čěskimi a serbskimi wobydlerjemi Warnoćic jako tema karikatury. Gerat Kašpor, in: Naš puć. Wěstnik serbskeje młodźiny we Warnoćicach, 1.11.1947.</span> (source: Serbska centralna biblioteka, Budyšin/Sorbische Zentralbibliothek, Bautzen)

Proceed to next stop “Build-up”