Warnoćicy. Sorbian traces
Build-up
9. meje 1947 wočakowaše serbsku młodźinu, kotraž we Warnoćicach do šule chodźeše, wosebita akcija. W přewodźe swojich wučerjow a wuhotowani z motykami a łopatami dachu so zhromadnje do dźěła na dróze, kotraž bu pozdźišo po Bjarnaće Krawcu pomjenowana. Tute brigadowanje słušeše w prěnich powójnskich lětach do wšědneho žiwjenja. Wosebje woblubowane dźěło bě serbskim młodostnym sadźenje štomikow w parku při šuli a we wokolnych lěsach. Brigadowanje krućeše zwjazanosć z nowej domiznu a wuruna pobrachowace dźěłowe mocy. Bu pak chětro ideologizowane, zo by so tež dalše wobydlerstwo zdobyło. Brigadowanje dźě wobhladowaše so jako přinošk k natwarej noweje towaršnosće, demokratije a měra. Podpěrowaše začuće zhromadnosće, a zdobom bě srědk socialneje kontrole.
„Naše štomiki“
Šołta-Nowowjesčanski, Jurij: Dožiwjenjow połne lěta w Čěskej. In: Serbska protyka 2006, str. 99–101.
Wurězk, čita šulerka Serbskeho gymnazija w Budyšinje, 2024.
