Zběrki
Warnoćicy. Serbske slědy
Warnoćicy su serbske mjeno města Varnsdorfa w Čěskej. Za někotružkuli Serbowku a Serba je to historiski podawk a dopomnjenka zdobom. Saha wróćo do prěnich lět po II. swětowej wójnje, jako bu město centrum serbskeho žiwjenja w Čěskej a najwažniše městno kubłanja serbskeje młodźiny. Kulturnohistoriska wučbna šćežka „Warnoćicy“ na dźesać stacijach stawiznički ze wšědneho dnja Serbowkow a Serbow tehdom we Varnsdorfje-Warnoćicach powěda.
Nałožki a swjedźenja Sprjewja-Nysa
Nałožki a swjedźenje w Serbach su žiwe. Nošerkam a nošerjam je wažne, zo bychu swoje mnohostronske kulturne herbstwo wobchowali a je zdobom dale wuwili. We Łužicy so něhdźe 30 nałožkow a swjedźenjow w běhu lěta pěstuje. Wone so druhdy regionalnje rozeznawaja, su pak stajnje wažny wuraz etniskeje identity a towaršnostneje zwjazanosće. Tohodla buchu w lěće 2014 do cyłozwjazkoweho zapisa imaterielneho kulturneho herbstwa přiwzate. Předležaca dokumentacija informuje wo mnohostronskosći nałožkow a swjedźenjow w regionje Sprjewja-Nysa a kak so přez kulturny angažement na městnje aktualnje pěstuja.
Rěčna krajina Slepo
Rěčnu krajinu Slepo móžeš słyšeć a widźeć. Jeje wšelakorosć pokazuje so w rěčanym słowje, w knihach a mjenach, přez historiske wosobiny, w zwukowych dokumentach, na geografiskich kartach, na taflach a w słownikach. Eksistenca wosebiteje Slepjanskeje rěčneje warianty serbšćiny je tutej kónčinje na sewjerowuchodźe Sakskeje w běhu lětstotkow jeje wosebity charakter dała a bě zakład za kulturne herbstwo, kotrež hodźi so na tutym portalu dožiwić.
Zawostajenstwo Kita a Bogumiła Šwjele
Z digitalizowanym kompletnym zawostajenstwom wučerja Kita Šwjele (1836–1922) a jeho syna, fararja Bogumiła Šwjele (1873–1948), ze zběrkow Serbskeho kulturneho archiwa je wažny wobstatk serbskeho kulturneho namrěwstwa online přistupny.
Žórła k serbskim stawiznam 1918–1945
Paralelne a přećiwne daledawanja žórłow, kotrež su w Serbskim kulturnym archiwje přistupne, njenamakaja so husto na jednym zhromadnym městnje, ale su na wšelake archiwy a zběrki rozdźělene. Tutón modul je so wuwił, zo by so zajimcam přehlad wo wšelakorosći a wuznamje tych zdźěla daloko rozbrojenych wobstatkow skićił.
Kulturny leksikon DIGITALNJE
Digitalizowana wersija Serbskeho kulturneho leksikona skići we wjele wozjewjenjach rozbrojenu wědu wo serbskej mjeńšinje. We wjace hač 200 hesłach podawa dohlad do aktualneho stawa slědźenja hnydom wjacorych duchownych wědomosćow.
Ochranowske žiwjenjoběhi
Awtobiografisce zapołozene žiwjenjoběhi Ochranowskeje bratrowskeje wosady chowaja we sebi wulki pokład za serbske stawizniske slědźenje. W nich je widźomny dźěl wšědneho žiwjenja serbskeje ludnosće 18. lětstotka w Hornjej a Delnjej Łužicy.
Serbske cyrkwinske žiwjenje w Lubinje
Předležeca edicija wobjimuje 50 dokumentow z wobłuka serbskeho cyrkwinskeho žiwjenja bjezwokrjesneho města Lubin w markhrabinstwje Delnja Łužica. Dokumenty pochadźeja z časa mjez 1540 a 1791 a pokazuja čas serbskeho ewangelsko-lutherskeho dušepastyrstwa w Lubinje.
Statistika Serbow 1886
„Statistika łužiskich Serbow“ (Budyšin 1886) Arnošta Muki je jedyn z najwuznamnišich a najskutkownišich tekstow serbskeje wědomostneje publicistiki 19. lětstotka. Twórba z pjera jednoho z centralnych akterow młodoserbskeho hibanja woznamjenja spočatk serbskorěcneje sociologije, steji pak w tradiciji staršeje ludneje a krajneje statistiki.