Nałožki a swjedźenja Serbow we wokrjesu Sprjewja-Nysa

W serbskim sydlenskim rumje so w běhu lěta mnohe nałožki pěstuja. Wone su bytostny wobstatk imaterielneho serbskeho kulturneho herbstwa. Pod tym zrozumi so aktiwne přiswojenje, participacija a daledawanje kulturneje wědy a kulturnych praktikow Serbow.

Předležaca zběrka bazuje na systematiskim a aktualnym zapisanju wobstatka nałožkow a swjedźenjow we wokrjesu Sprjewja-Nysa w lětach 2019 do 2021. Wona je jako pilotowy projekt za zwěsćenje nałožkow a swjedźenjow w cyłym serbskim sydlenskim rumje koncipowana. Z tym ma so přinošować k zwužitkowanju tutoho kulturneho herbstwa za ciwilnotowaršnostnych, kulturnoturistiskich a kreatiwnohospodarskich akterow.