Slepjanska serbšćina rozeznawa so wot hornjoserbšćiny přez zwukowe, leksikaliske a gramatiske zjawy, hlej Slepjanski dialekt w Serbskim kulturnym leksikonje.
Iniciatorojo napisow w Slepjanskej serbšćinje su zwjetša towarstwa abo jednotliwe wosoby, kotrež domoródnu rěčnu wariantu sylnje spěchuja. Tohodla steji na tutych taflach němski tekst husto hakle na druhim městnje. Wón móže w jednotliwych padach samo cyle falować a hodźi so w tajkich padach z konteksta wučitać (tak je na př. na drjewjanej tafli z mjenom muzejoweho statoka Šusteroc dwór, na tutón objekt pokazuja w Trjebinje tež někotre tafle orientaciskeho systema w serbskej a němskej rěči).